Шайтоний илхом бўлган деган хадис борми

– Ва алайкум ассалом! Шу маънода ҳадис бор. 

عَنْ عَبْدِ اللهِ رَضِي اللهُ عَنْهُ، عَنِ النَّبِيِّ صَلَّى اللهُ عَلَيْهِ وَسَلَّمَ قَالَ: مَا مِنْكُمْ مِنْ أَحَدٍ إِلَّا وَقَدْ وَكَّلَ اللهُ بِهِ قَرِينُهُ مِنَ الْجِنِّ، قَالُوا: وَإِيَّاكَ يَا رَسُولَ اللهِ؟ قَالَ: وَإِيَّايَ إِلَّا أَنَّ اللهَ أَعَانَنِي عَلَيْهِ فَأَسْلَمَ، فَلَا يَأْمُرُنِي إِلَّا بِخَيْرٍ. رَوَى هَذِهِ الْأَرْبَعَةَ مُسْلِمٌ فِي صِفَةِ الْقِيَامَةِ  

Абдуллоҳ розияллоҳу анҳудан ривоят қилинади:
«Набий соллаллоҳу алайҳи васаллам:
«Албатта, Аллоҳ сизлардан ҳар бир кишига унинг жинлардан бўлган яқинини вакил қилиб қўйган бўлади», дедилар.
«Сизга ҳамми, эй Аллоҳнинг Расули?» дейишди.
«Менга ҳам. Илло, Аллоҳ менга унинг зиддига ёрдам берди ва у мусулмон бўлди. У менга фақатгина яхшиликни амр қилади», дедилар».
Ушбу тўрт ҳадисни Муслим «Қиёматнинг васфи»да ривоят қилган.
Шарҳ: Ушбу ҳадиси шарифдан олинадиган фойдалар:
Ҳар бир кишига бириктирилган жин бўлиши. У шайтон ҳам дейилади.
Мусулмон жиннинг (ёки шайтоннинг) яхшиликка амр қилиши.
Демак, мусулмон бўлмаган жин инсонни ёмонликка амр қилади. (“Ҳадис ва Ҳаёт” китобидан). Валлоҳу аълам!