Жаннат аҳли аёллари
09:49 / 11.07.2017 | Salohiddin | 5553
Ассалому алайкум! Росулуллоҳ соллаллоҳу алайҳи ва саллам айтадилар: “Сизларга жаннатий аёлларингни хабарини берайми? Эрини суядиган, кўп фарзанд кўрадиган аёллардир. Агар аёл ғазабланса ёки эр томонидан қийинчилик келса, ёки эри ғазабланса, аёл айтади: “Қўлим сизнинг қўлингизда. Сиз рози бўлмагунингизгача ҳеч ҳам ухламайман”Сахихут тарғиб 1941.
Устозлар саволим шундан иборатки бир домлани марузасида жаннат ахли ухламайди деб эшитган эдим.
«Зикр аҳлидан сўранг» ҳайъати:
Ва алайкум ассалом!
عن جابر بن عبد الله سئل نبي الله فقيل : يا رسول الله ؛ أينام أهل الجنة ؟ فقال رسول الله صلى الله عليه وسلم : النوم أخو الموت ، وأهل الجنة لا ينامون رواه الطبراني
Жобир ибн Абдуллоҳ розияллоҳу анҳудан ривоят қилинади : Набиюллоҳ соллаллоҳу алайҳи васалламдан савол қилиниб : “Эй Аллоҳнинг расули жаннат аҳли ҳам ухлайдими” дейилди. Расулуллоҳ соллаллоҳу алайҳи васаллам “Уйқу ўлимнинг биродаридир, жаннат аҳли ухламайдилар” дедилар. Табароний ривояти. Валлоҳу аълам!
