Декрет пули

Ассалому алайкум! Мен оилавий поликлиникада шифокор лавозимида 2 йил ишладим. Шу йил январда 5 йил деганда ҳомиладор бўлдим. Ҳомиладорликни бошида соғлиғим яхши эмаслиги учун ўз ҳисобимдан кетма кет 3 марта таътил олдим, сўнгра меҳнат таътилини олдим. Яхши бўлган пайтимда, юртимизда карантин бўлганлиги сабабли оила аъзоларим вақтинча ишга бормаслигимни ҳоҳлашди. Ҳеч қандай имтиёзим қолмаганлиги сабабли, ўрнимга бошқа шифокор топиб, ойликни тўлиқ ўзи олиш шарти билан ишлашга рози бўлди. Карантин кучайгани, касаллар кўпайгани сабабли бу ҳол 4 ой давом этти. Сўнгра декрет таътилига чиқтим. Декрет пулини тенг ярмини бўлим бошлиғимга, менга карантин пайтида шароит яратиб бергани учун бердим. Қолган ярими ўзимда қолди. Энди ўйланяпман. Ўрнимга бошқа одам 4 ой ишлади(маошини ўзи олди), шу пул менга ҳалолми ёки давлатдан ўғирликка кирадими?