Синган оёқ билан ғусл
19:35 / 06.12.2020 | Iskandar Gayratjonovich | 1200
Ассалому алайкум! Яқинда оёғим синган ва синган оёққа устидан темир (Илизаров апарати) қўйилган. Апаратда симлар (спицалар) оёқ ичидан ўтган. Апарат тиззадан тўпиқгача. Доктор сув теккизмасликни айтди. Акс ҳолда йиринглаб, ҳолат оғирлашади деди. Саволим қуйидагича. Намоз ўқиш учун шу ҳолатимда қандай ғусл қилсам бўлади? Симлар ўтмаган жойларни нам сочиқ билан артсам, ғусл мукаммал бўладими?
«Зикр аҳлидан сўранг» ҳайъати:
– Ва алайкум ассалом! Сув теказиш зарар қиладиган жойларни бинт ва устидан целофан билан ёпиб олиб ғусл қилаверинг. Кейин целофанни ечиб ташлаб ўша ерларга масҳ тортиб қўяверасиз. Валлоҳу аълам!
