Рўза тутиш
15:20 / 30.03.2016 | Хуршид Мустафаев | 2470
Ҳурматли устозлар, маълумки, пайғамбаримиз соллаллоҳу алайҳи васаллам ёлғиз жума кунида рўза тутишни таъқиқлаганлар. Унга ёки олдиндан ёки орқадан бир кун қўшиб тутишни буюрганлар. Савол: Агар киши доимий равишда бир кун руза тутиб, бир кун тутмасдан юришни ният қилса, ундай ҳолатда юқорида айтиб ўтилган ҳолатдан мустасно бўладими? Яъни ёлғиз жума кунига тўғри келган вақтда ҳам тутавериш мумкинми?
«Зикр аҳлидан сўранг» ҳайъати:
Ва алайкум ассалом! Тутиш мумкин. Ҳадисда “Савоби кўп бўлади” деган мақсадда рўза тутишни фақат жума кунига хослаб олишдан қайтарилган. Мабодо одатда тутиб келаётган кунлари жума кунига тўғри келиб қолса, тутишнинг ҳеч қандай кароҳияти йўқ. Валлоҳу аълам!
