Ишчиларни нафл рўзалари
Ассалому алайкум! Дўстимнинг илтимосига кўра шу саволни бермоқдаман. Дўстим нуфузли корхонада бўлим бошлиғи бўлиб иш олиб боради. Унинг ходимларидан айримлари нафл рўзасини тутушмоқда экан. Ушбу корхонада иш вақти соат 18:00 гача қилиб белгиланган. Дўстим шу кунларда нафл рўзасини тутаётган ходимларига уни шом вақти кириши билан очиб олишга рухсат берган (10-15 дақиқага). Лекин ходимлар оғизни очгандан кейин иш вақти бўлишига қарамай деярли соат 18:00 гача овқатланишмоқда. Дўстим бу холатда қандай йўл тутиши керак? Тақво қилиб уларга хозирча танбеҳ беришни хам бермасликни хам билмаяпти. Ходимлар ахир шу вақт учун ойлик иш хақи олишадику?
– Ва алайкум ассалом! Уларга овқатга сарфлаганча 18:00дан кейин қолиб ишлаб беришларини айтсин. Нафл рўза тутишлари нафл, ойликка яраша ишлаб беришлари вожиб амал. Мунофиқларнинг тақводорлигидан қилишмасин. Валлоҳу аълам!
