Нафл рўза савоби
Ассалому алайкум! Танишим айтганди "бомдод намозидан кейин 11 марта саловат айтган инсон учун жаннатдан бир қаср қурилади". Шундай хадис борми?
2). 1 кун нафл рўза тутилса 70 йил дўзахдан озод бўлади. Шу сахиҳми?
3). Агар бир маҳал намоз ўқилмаса 80 минг йил дўзаҳда қоладими?
– Ва алайкум ассалом! 1). Билмадик.
2). Бу ҳадис саҳиҳ. Имом Бухорийда келган.
عَنْ أَبِي سَعِيدٍ رَضِي اللهُ عَنْهُ قَالَ: سَمِعْتُ النَّبِيَّ صَلَّى اللهُ عَلَيْهِ وَسَلَّمَ يَقُولُ: مَنْ صَامَ يَوْمًا فِي سَبِيلِ اللهِ بَعَّدَ اللهُ وَجْهَهُ عَنِ النَّارِ سَبْعِينَ خَرِيفًا
Абу Саъид розияллоҳу анҳу айтади:
«Набий соллаллоҳу алайҳи васалламнинг «Ким Аллоҳнинг йўлида бир кун рўза тутса, Аллоҳ унинг юзини дўзахдан етмиш кузлик* узоқ қилади», деганларини эшитдим».
* «Етмиш кузлик» дегани етмиш йиллик масофачалик дегани. Бу ўзбек тилидаги «Етмиш баҳорни қарши олди», деган жумлага ўхшайди. (“Олтин силсила” китобидан "Саҳиҳул Бухорий")
3). Шундай гап бор. Валлоҳу аълам!
