Диндан чиққан бўладими?
18:45 / 22.12.2020 | Alisher Adashaliyev | 1603
Ассалому алайкум! Залолатда юрган кезларимда: "Бева аёлнинг турли эхтиёжи бўлади. Хусусан, унинг хам жинсий яқинликка эхтиёжи бор. Унга бу масалада "ёрдам" бериш савобдир" деган мазмундаги ахлоқсиз гапларни гапирар эдим. Аллоҳга шукрким, Ўзи хидоятга бошлаб, қулфи-дилимни очди. Тавбаларимизни қабул қилсин. Гунох ишни савоб деб айтган мусулмон банда, Аллоҳ сақласин, диндан чиқади деб ўқиб қолганимдан буён халоватим йўқ. Аввал қилган ишларим хамда айтган гапларимнинг шаръий хукмини билмаган холатда қилган бўлсам, диндан чиқиб қолган бўлмайманми?
«Зикр аҳлидан сўранг» ҳайъати:
– Ва алайкум ассалом! Афсуски бундай гапирадиган одамни ҳукми шундай бўлади. Никоҳни янгилатиб олиш керак. Валлоҳу аълам!
