Қазо намозларнинг ўқилиши

Ассалому алайкум раҳматуллоҳу ва баракотуҳу Ҳазрат!Сизни ва аҳлингизни муборак қурбон ҳайити билан табриклайман. Мусулмонлар бахтига Аллоҳ Сизни ўз паноҳида асрасин. Устоз мен Аллоҳнинг инояти билан намоз ўқишни 24 ёшимда ўқишни бошлаганман. Устоз мен қазо намозларимни неча ёшдан бошлаб ҳисоблаб ўқисам бўлади? (Мен ҳозирги кунда неча ёшдалигимда балоғатга етганлик нишонасининг рўй берганини эслай олмайман, шунинг учун қазо намозларимнинг аниқ қанчалигини билолмаяпман). Устоз қазо намозларини кунини, вақтини аниқ айтиб ўқиш яхшилигини Сиздан савол сўраб билиб олган эдим. Мана шу қазо намозларини ҳар куни оз-оздан ўқиб камайтирган афзалми ёки бўш вақт бўлганда (дам олиш кунларида бўш бўламан) қанчага имкон бўлса, шунча ўқиш афзалми? Ассалому алайкум раҳматуллоҳу ва баракотуҳу!