Тарихга оид шахсий савол
09:23 / 31.03.2018 | Islom | 2949
Ассалому алайкум! Қўқон хонлиги хонлари тeмурий Бобур мирзонинг наслидан бўлиши мумкинлиги тўғрисида илмий иш ёзишим кeрак. Ишни ёзишда хонликда яшаб ўтган айрим тарихчилар хонларнинг шажарасини Бобурга eтказиб шу фикрни маъқуллаганлигини, айрим тарихчилар ўтмиш тарихчилар хонларнинг обрўсини ошириш учун юқоридаги фикрни, далилларни тўқиб чиқарганлигини ёзганини ўқувчига билдириб шу фикрга якуний хулосани айтишдан қочсам, гуноҳкор бўламанми?
«Зикр аҳлидан сўранг» ҳайъати:
Ва алайкум ассалом! Сиз тарихни ишончли манбааларга асосланиб ёзинг. Шу кунгача тарихга кўп хиёнатлар бўлди. Ишончли манбаа топмасангиз тарих борасида хулоса чиқаришдан воз кечинг. Валлоҳу аълам!
