Чет элда банкда ишлаш

Ассаламу алайкум!Олдин жавоб берилган саволни яна қайтармоқчи эмасман. Лекин улардан кўнглим тўлмай, аниқаштириб олай дедим. Мен хорижий университетда ўқийман, мусулмон бўлмаган мамлакатда. Битиришимга яқин қолган. Айрим уламолар аҳолисининг кўпчилигини мусулмонлар ташкил қилмайдиган юртларда банк соҳасида ишласа бўлади, деганга ўхшаш гап айтишган экан ("Мусулмон билан кофир ўртасида ҳаром йўқ" ҳадисига таяниб, адашмасам Шайх Қарадавий ҳам бундай ҳолатда ипотека креди мақбул деганлар). Ниятим аслида исломий банкда ишлаш, лекин улар 5-6 йиллик банк тажрибаси бўлмаган одамларни ишга олмайди, талаблари жуда юқори. Шунга ҳалиги кофирларнинг банларида тажриба орттириб, кейин исломий банкка ўтаман деб ҳаракат ёки ният қилиш бу тадбирли режамикин ёки нафснинг ўйиними билмай қолдим. Шу масалада сиз нима деган бўлар эдингиз, ишласа бўлаверадими? Катта раҳмат!