Қазилган қабр қандай ҳолатда бўлиши керак?
Ҳурматли шайх жаноблари. Мен сиздан қабр қандай бўлиши кераклиги ҳақида сўрамоқчиман. Эшитишимча, Хоразмда қабр ерни устки қисмида қурилар экан. Ҳар хил бўлиши мумкинми?
Ассалому алайкум! Қабрларнинг сифати ва уларни эҳтиром қилиш.
1. Қабрларнинг энг саёзи ҳидни ман қилишга ва жасадни йиртқич ҳайвонлар еб кетишидан сақлайдиганидир.
2. Қабрни иложи борича чуқур ва кенг қилиш мандубдир.
3. Ҳанафий мазҳаби бўйича қабрнинг чуқурлиги одамнинг кўкрагигача бўлганидир. Унинг узунлиги маййитнинг узунлигича бўлади. Кенглиги маййитнинг бўйининг ярмича бўлса яхши.
4. Лаҳад шақдан афзал эканига фуқаҳолар иттифоқ қилганлар. Ер қаттиқ бўлса, лаҳад қилиш, юмшоқ бўлса шаққ қилиш афзал деганлар ҳам бор.
5. Хоразмга ўхшаш сувли ерларда қабрни ер устига қуриш мумкин. Буни сағана дейилади.
