Шу салавотни ўқиб юрсам бўладими?

Ассалому алайкум! Бизни Ислом динида яратган Аллоҳга ўзи билган ададича ҳамду-санолар бўлсин. Оламлар сарвари Муҳаммад Мустафога энг гўзал салотлар ва дурудлар бўлсин. Ҳазрат соғ-саломатмисиз. Аллоҳим қилаётган ишларингизни энг гўзал ажрлар билан мукофотласин. Амийн. Ижозатингиз билан сизга бир савол билан мурожаат этсам. Мен сизни “Ҳадис ва ҳаёт” китобингизни 35 жузини ўқиб чиқмоқдаман. Бу китобда “Аттаҳийят”дан кейин ўқиладиган ва шунга ўхшаш саловотлар келтирилган. Мен доим беш вақт намоздан кейин, тасбеҳ билан ўн бир марта салавот айтишга ўрганганман. "Жаззаллоҳу анна Муҳаммадан соллалоҳу тоала алайҳи ва салама бима ҳува ахлуҳ" шу салавотни ўқиб юрсам бўладими, намоздан ташқари ҳолатларда. Жавоб учун олдиндан катта раҳмат.