Эри берган пулдан ота онага ишлатиш
Ассалому алайкум! Турмуш ўртоғим тақводорликка талабгор мусулмонлардан. Алҳамдулиллаҳ яхши яшаймиз. Ўқитувчи бўлиб ишлар эдим хўжайиним бола тарбияси муҳим деб ишдан чиқариб олдилар. У киши доим ота оналари учун совғалар оладилар. Мен ҳам ота онам учун совға олай десам "Мен онамни рози қилсам жаннатга кираман сен эса мени рози қилсанг. Сени бахтли яшатганим улар учун совға" деб айтадилар. Харажатларимдан ортган пулимдан ота онамни хурсанд қилиш учун ҳар замон мен ҳам хўжайинимга айтмай совға қилсам гуноҳкор бўламанми?
– Ва алайкум ассалом! Ўзингиз топган пулингиздан ота-онангиз учун совға олишга шаръан ҳаққингиз бор. Солиҳлар, аёллар ҳам садақалар қилишлари учун аёлларига нафақа қилиб кўпроқ пуллар бериб туришган. Албатта аёл ҳам садақалар ва ота-онаси каби яқинларига ҳадялар қилиб туриши керак. Эрлар бунга шароит қилиб беришлари ҳам керак. Валлоҳу аълам!
