Оқава сувда ғусл қилиш
Ассалому алайкум! Оқава сувда ғусл қилса бўладими? Мумкин бўлса бир шўнгиб чиқса етадими ёки ҳамма жойини ишқалаб чиқиши керакми? 2) Инсомга ғусл вожиб бўлиб қолди у зудлик билан ғусл қилиши керакми ёки намоз вақтигача ғусл қилиб олса бўлдими? Одамлар орасида гап борку ким ғусл вожиб ҳолатида бошқа одамга тегса кўришса унга ҳам ғусл вожиб бўлиб қолади деган. Бу бор гапми?
– Ва алайкум ассалом! 1). Оғиз-бурун чайқалиб бутун баданига тўла сув тегса ғуслнинг фарзи адо бўлади.
2). Намоз вақти ўтиб кетадган даражада кечиктирилмаса бўлди. Одамлар орасидаги у гаплар нотўғри.
عَنْ أَبِي هُرَيْرَةَ رَضِي اللهُ عَنْهُ قَالَ: لَقِيَنِي رَسُولُ اللهِ صَلَّى اللهُ عَلَيْهِ وَسَلَّمَ مَرَّةً فِي طَرِيقٍ مِنْ طُرُقِ الْمَدِينَةِ وَأَنَا جُنُبٌ فَاخْتَنَسْتُ. وَفِي رِوَايَةٍ: فَانْسَلَلْتُ فَذَهَبْتُ فَاغْتَسَلْتُ ثُمَّ جِئْتُ، فَقَالَ: أَيْنَ كُنْتَ يَا أَبَا هُرَيْرَةَ؟ قُلْتُ: إِنِّي كُنْتُ جُنُبًا فَكَرِهْتُ أَنْ أُجَالِسَكَ عَلَى غَيْرِ طَهَارَةٍ، قَالَ: سُبْحَانَ اللهِ! إِنَّ الْمُسْلِمَ لَا يَنْجُسُ
Абу Ҳурайра розияллоҳу анҳудан ривоят қилинади:
«Бир марта Расулуллоҳ соллаллоҳу алайҳи васаллам менга Мадинанинг йўлларидан бирида йўлиқиб қолдилар. Мен жунуб эдим, ўзимни четга олдим».
Бошқа ривоятда:
«(Билдирмай четландим). Бориб, ғусл қилиб келдим. У зот:
«Эй Абу Ҳурайра, қаерда эдинг?» дедилар. Мен:
«Жунуб эдим, сиз билан нопок ҳолимда ўтиришни ёқтирмадим», дедим. У зот:
«Субҳаналлоҳ! Мусулмон нажас бўлмас», дедилар», дейилган.
(“Ҳадис ва Ҳаёт” китобидан). Валлоҳу аълам!
