Жавоб, кетсанг кетавер
11:39 / 18.07.2021 | Talablariga Binoan | 1682
Ассалому алайкум! Мен яқинда аёлим билан озроқ тортишиб қолдик, шунда у сиз билан яшамайман кетаман деди, ман "Жавоб, кетсанг кетавер дедим". Лекин ажралишни ҳеч ҳам ният қилмаганман. Фақат оила масулиятини сездириш ва қўрқитиш ниятида айтганман. Яъни сиз билан яшамайман деган сўзини бошқа айтмаслиги учун қўрқитиш ниятида. Кейин ярашиб кетдик. Шу ҳолатда талоқ тушганми? Агар тушган бўлса қандай талоқ тушган? Қайта никоҳланишимиз зарурми ёки жаҳлдан тушганлигимиз ва муросага келганимизнинг ўзи етарлими?
«Зикр аҳлидан сўранг» ҳайъати:
– Ва алайкум ассалом! Талоғини сўраганида “жавоб, кетсанг кетавер” дейиш талоққа далолат қилади. Сизлар ўзингизга яқин жойдаги талоқ илмини яхши биладиган бирор ҳақиқий аҳли илмга учраб маслаҳат қилинглар. Валлоҳу аълам!
