Коронавирус ҳолатида намоз
03:16 / 07.08.2021 | Constant | 782
Ассалому алайкум! Кеча тест топширдим вирус бор экан. Кунига 2-3 маҳал укол оляпман. Оёқларимни кучи йўқ. Намоз ўқишда қанадир енгилликлар борми мен учун? Ёки ҳар доимгидек қийналиб бўлса ҳам давом эттиришим шартми?
«Зикр аҳлидан сўранг» ҳайъати:
– Ва алайкум ассалом! Тик туриб бошлайсиз, рукуъ ва саждани стулга ўтириб ишора билан қиласиз. Намозларни суннат ва фарз ораларида озроқдан дам олиб кейин давом эттиришингиз ҳам мумкин. Вақти чиқиб кетадиган даражада кечиктириб юбормасангиз бўлди. Валлоҳу аълам!
