Офицант иш ҳақи фоизда
Ассалому алайкум! Чойхонада офицант болиб ишлайман ҳизмат ҳақимиз мижозни олган егулиги нархига 10 % қошиб олинади шундан 7% офицантларга берилади. Иш бошқарувчи заказ олади офицант боллар устидан назорат қилади унинг иш ҳақи офицант болларнинг 7% ҳизмат ҳақидан 2 ҳисса олинади яни 8 та офицант ишлаган 7% ҳизмат ҳақи 10 тага бўлинади. Бу ерда иш бошқарувчи 2 кишини пулини олади иш ҳақи сифатида. Шу иш тўғрими, яъни офицант иш ҳаққидан олиши?
– Ва алайкум ассалом! Ҳозирги кунгача фуқаҳоларимиз “ижарага ёлланган кишининг хизмат ҳаққи муайян бўлиши керак” деган қоидани “муайян нарса ва миқдор билан” деб тафсир қилар эдилар. Яъни “хизмат ҳақини фоизда белгилаш жоиз эмас” дер эдилар. Шу кунларда дунё миқёсида кенг тарқалган пул ўтказмалари ҳақида эса “жоиз” деган фатвони бермоқдалар. Бу эса ўз-ўзидан хизмат ҳақини фоизда белгилаш жоизлигини тақозо қилади. Чунки пул ўтказма ишлари ижара ҳисобланади ва ундаги хизматлар ҳақи фоизда белгиланган. Ўтказилаётган пулнинг миқдорига қараб хизмат ҳақлари ўзгаради. Шу фатводан келиб чиқиб, официантларнинг хизмат ҳақларини фоизда белгилаш ҳам жоиз бўлади. Келишув асосида шундай тақсим қилинса, зарари йўқ. Валлоҳу аълам!
