Грыжа бўлган инсоннинг намоз ўқиши
Ассалому алайкум! Онам грыжа деган балога йўлиққанлар. Онамни белларида грыжалари бор. Намозларини туриб, мукаммал адо этишда бироз қийналяпман, белим ачишади, уюшади ва оғрийди дейдила. Шу холатда, фарзларини иложи борича туриб ўқисалару, суннат ва витрни ётиб ўқисалар бўладими?
– Ва алайкум ассалом! Фазр намозларда тик туриб ўқиш (қиём) фарз. Шунинг учун имконлари бўлса, тик туриб ўқишлари керак. Агар имкон бўлмаса, бошлашда тик туриб бошлаб кейин руку қилиб, қолган намозни ўзларига қулай ҳолатда, ерда ўтириб сажда қилиб ўқийдилар. Агар руку ва сажда қилишга ҳам қийналса, стулга ўтириб руку ва саждаларини ишора қилиб ўқийдилар. Витрда ҳам шу каби. Суннат номозларни ўтириб ўқисалар бўлади. Ўтириб ҳам ўқий олмасалар ётиб ўқийдилар. Аллоҳ дардларига шифо берсин. Валлоҳу аълам!
