Намозда ёзувли нарсалардаги матнларга кўз югуртириш
16:17 / 03.07.2018 | sayfuddin | 2740
Ассалому алайкум! Намоз мобайнида ёзуви бўлган кийим, турли буюмларга кўз тушиши ва уни дилда ўқиб ҳам қўйиш мумкин. Бу намознинг мукаммал тарзда адо этилишига қай тарзда таъсир қилади? Бунда кўз тушган матннинг ўзига боғлиқ жиҳатлар ҳам борми?
«Зикр аҳлидан сўранг» ҳайъати:
- Ва алайкум ассалом! Намозга зарари йўқ. Машойихларимиз “Жаннат аҳлига жаннатда Аллоҳ таолонинг жамолини кўриш насиб бўлади. Намозни васвасасиз ўқийдиган кишилар Аллоҳнинг жамолини бепарда кўришади. Хаёли чалғиб, васваса билан ўқийдиганлар парда ортидан кўришади” деганлар. Шунинг учун хаёлни сочилмаслигига қаттиқ ҳаракат қилиш керак. Валлоҳу аълам!
