Илм ва амал ҳақида

الحمد لله رب العلمين والصلاة والسلام على محمد وعلى آله وأصحبه أجمعينАссаламу алайкум ва рохматуллоҳи ва барокатуҳ, муҳтарам узтоз.Ижозатингиз билан саволимни йўлласам:Азиз устоз, маълумки, дунё учун илм ўрганмоқ яхшиликка олиб бормайди. Бир киши баҳоли қудрат дийнини таълим олса ва таълим берса ва бунда фақат Аллоҳнинг розилигини ният қилса, ҳеч қандай дунё матоҳини кўзламаса, ният қилмаса, шу билан бирга, дастурлаш ва шунга боғлиқ бўлган юқори технологиялар илмини ўрганса ва ўргатса, шу сабабдан ўзининг, яқинларининг каму-кўсти учун пул ишласа, ҳар иккала йўлдаги илм ҳам Аллоҳнинг йўлида ўрганилган илм бўладими? Ёки иккинчи ҳолатда дунё учун илм ўрганган бўладими? Агар бунда хатолик бўлса, буни тузатиш учун нима қилиш керак?Муҳтарам устоз, "Васатия - ҳаёт йўли", "Тасаввуф ҳақида тасаввур" номли китобларингизни ўқиб фойдалар олдик, олмоқдамиз, сизни бу китобларни ёзишга муваффақ қилган Аллоҳ субҳанаҳу ва таъолога ҳамду санолар бўлсин. Сизга ташаккур, узтоз. Ҳаққингизда дуодамиз, Роббимизнинг Ўзи сиздан ва биздан рози бўлсин, амийн.Ассаламу алайкум ва роҳматуллоҳи ва барокатуҳ.