Қуръоннинг асл маъноси нима?
Ассалому алайкум! Биламизки, Қуръони Каримнинг асл маъноси, Қуръон сўзи арабча "Қираат" сўзидан олинган дейилади (кўп манбаларда) ва бу сўзи "Ўқимоқ" сўзининг арабча таржимасидир. Яқинда бир китоб ("Тҳе Ислам Боок") орқали қуйидаги маълумотни ўқидим, Қуръоннинг асл маъноси ноаниқ. Шунингдек, китобда бошқа сўзлар ҳам Қуръон учун маъновий сўз бўлиши мумкин дейилган эди, булар қуйидагилар: "Қараа" (Тўпламоқ), "Қарана" (Тўплам, бирлашма), "Қараин" (Белги), "Қираат" (Ўқимоқ; Астағфируллоҳ таржималарни ўзим қилганман, хатолик бўлса узр сўрайман) Саволим шундан иборатки, буларни қайси бири тўғри ёки нотўғри?
– Ва алайкум ассалом! Ислом дини ва Қуръон ҳақидаги маълумотларни ғайридинлардан олмай мўмин уламолар гапидан англаш керак. Шарқшунос ва худосизлар бу каби гапларни ёзиб жоҳил мусулмонларни динларида шубҳага етаклашади. Илмни асли манбасидан мусулмонлардан олинг. Валлоҳу аълам!
