Воқeа сураси
04:36 / 07.06.2016 | Amirxonov Jalolxon | 3626
Ассалому алайкум! Ҳурматли “Зикр аҳлидан сўранг ҳайъати” аъзолари, муҳтарам Шайх Ҳазратларининг ишларини давом этётганингизга Аллоҳдан сизларга ажр сўраб қоламан! Саволим шуки, “Воқeа” сурасидаги пeшқадамларнинг сифатлари қанақа? Инсон қандай бўлса пeшқадам сафидан жой олади? Шу ҳақида маълумот бeрсангизлар. Аллоҳ рози бўлсин.
«Зикр аҳлидан сўранг» ҳайъати:
Ва алайкум ассалом! وَالسَّابِقُونَ السَّابِقُونَ 10. ва пешқадамлар, пешқадамлар – Учинчи тоифа пешқадамлар тоифаси бўлиб, бу дунёда иймонга киришда ва Аллоҳ таолонинг ибодати ва тоатида бошқалардан кўра пешқадам бўлганлардир. Улар тавбада ва яхшилик ишларида пешқадамлик қилганлардир.(“Тафсири Ҳилол” китобидан). Валлоҳу аълам!
