Таҳоратда

– Ва алайкум ассалом! «Истинжо» сўзи луғатда «ахлатни кетказиш» деган маънони англатади.
Фуқаҳолар истилоҳида эса нажосатни сув ва шунга ўхшаш нарса ёрдамида кетказиш ёки тошга ўхшаш нарса билан артишга «истинжо» дейилади.
Агар нажосат махраждан бир дирҳамдан кўпроқ тар­қалган бўлса, ундан истинжо қилиш вожибдир.
Чунки бир дирҳам афв қилинган миқдордир. Ундан зиёдидан покланиш албатта вожиб бўлади.
Нажосатни ювиш шарт қилинмаган тош, истинжо учун алоҳида тайёрланган қоғоздан фойдалансангиз ҳам бўлади.
Истинжо учун алоҳида тайёрланган қоғоз билан истинжо қилишга ҳамма уламолар рухсат берганлар. Чунки бундай қоғозлар айнан мана шу мақсад учун тайёрланган нарсадир. Валлоҳу аълам!