Намоз ҳақида
23:06 / 19.12.2021 | Samiya | 835
Ассалому алайкум! Фарзандлиман, қизим 2 ёшда. Баъзи пайтларда фарзандим кичик ҳожатга улгурмай қолади. Гиламни ўша жойини албатта сув билан тозалашга ҳаракат қиламан. Лекин тоза бўлмагандек баъзи жойларида нажосат бордек туюлади. Бундай жойда намоз ўқисам гуноҳ қилгандек бўляпман. Ичимдан бунақа жойда намоз ўқигандан боланг катта бўлса кейин ўқирсан деган ҳаёллар чалғитяпти. Қўшимча қилиб айтишим керакки 3 та келин қайнота қайнона бир ҳовлида яшаймиз. Бошқа хоналарга кириш ноқулай ва имконсиз. Илтимос менга йўл кўрсатинглар.
«Зикр аҳлидан сўранг» ҳайъати:
– Ва алайкум ассалом! Бу намозни тарк қилишга узр бўлмайди. Бундай бўлмағур фикрларни ҳаёлингиздан чиқариб ташланг. Гилам устига қалин жойнамоз солиб ўқийверасиз. Валлоҳу аълам!
