Иш вақтидан кейин ишхонада ишлаш

Ассалому алайкум! Мен бир давлат ишхонасида ишлайман, ҳозирги саволим бугун кўп ишхоналарда юз бераётган ҳолат. Ишга киришда Меҳнат кодексига кўра меҳнат шартномаси тузилади, унга кўра ҳар бир ҳодим бир кунда 8 соат ишлаши белгиланади. айрим ишхоналарда 8-00 дан 17-00 гача, айрим жойларда 9-00 дан 18-00 гача. Лекин, кўп жойларда бу иш вақти фақат қоғозда қолган, ходимлар 8-00 ёки 9-00 да иш жойига келишади, лекин ишдан қайтиш вақти 17-00 ёки 18-00 дан анча кечикиб кетади. Баъзан ярим тунгача, баъзан 22-00 лар атрофида. Лекин 80-90 фоиз ходимлар белгиланган вақтдан кеч кетади. Сабаби раҳбарлар топшириғи ярим тунгача тугамайди, баъзан шунчаки қандайдир топшириқ бўлиб қолиши ёки йиғилиш бўлиб қолиши мумкин бўлади ва ҳодимлар йиғилишга сўралган маълумотларни қилиб бериш ёки топшириқларни бажариш учун ишхонада ушлаб турилади. Бу ҳолатда иш вақтидан кейин (хатто шанба ва якшанба кулари ҳам) ишлаганимиз учун қўшимча ҳақ тўланмайди. 1. Шунда бу вақтда ишхонамиз ҳисобидан электр ва бошқа жиҳозлардан фойдаланганимиз, интерентга кирганимиз биз учун ҳаромми? 2. Раҳбарларнинг бундай ҳолатда ҳодимларни ушлаб туриши тўғрими? 3. Агар ҳодимларни иш вақтидан кейин ушлаб туриш нотўғри бўлса, бунга қайси раҳбар гуноҳкор бўлади? (иш берувчи ташликот раҳбарими? ёки шу ташкилотда бўлим бошлиғи ёки раҳбар ўринбосарларими?