Рози-ризолик ҳақида
Ассалому алайкум! Ҳурматли устозлар, агар эр-хотин урушганида эри аёлини қилган хизматлари учун, яшаб ўтган шунча йиллик умри учун "сендан розимасман " деса, "хамма ибодатларинг хабата бўлиб кетмасин, эхтиет бўл" деб дооим айблаб келса, вахолангки аёл эрига доим итоатда бўлган, эр нохақ бўлса аёлнинг барча савоблари хабата бўладими? Эр аёлига келажакда ёмонлик тилаб, агар аёлига бирон бир ёмонлик бўлмаса Аллоҳдан рози бўлмаслигини айтсачи? Буни хукми қандай?
– Ва алайкум ассалом! Аёл киши Аллоҳнинг буйруқларини бажариб, қайтарган ишларидан тийилса, ибодатларда мустаҳкам бўлса, шу билан бирга бор имкониятини сарфлаб эрини мубоҳ ишлардаги хоҳишларини адо қилиб розилигини олишга интилса албатта охиратда нажот топувчи жаннатий аёллардан бўлади. Шундай ҳолатда ҳам эр ўзининг ношукрлиги ёки нонкўрлиги ёки шахсий адовати туфайли аёлидан норози бўлса аёлга бунинг зарари бўлмайди. Валлоҳу аълам!
