Рўза тутишга эрнинг розилиги
22:28 / 10.05.2022 | Gulbahor | 630
Ассалому алайкум! Мени эрим соғлом, оғир меҳнат ҳам қилмайди. Аммо рўза тутиб ўрганмаган. Шу вақтгача бир ўзим рўза тутиб, эримга ва оила аъзоларига 3 маҳал таом тайёрлаб келганман. Яқинда сизнинг каналингизда рўзадор одам рамазон ойида рўза тутмаганларга сув ҳам бермасин деб ўқиб қолдим. Буни эримга тушунтирдим лекин у менга тана қилсанг рўза тутма, мен рози бўлсам тутасан, эр рози Худо рози деди. Энди мен нима қилай аввалгидек уларга 3 маҳал таом тайёрлаб бераверайми, бунда рўзамга зиён етиб қолмайдими?
«Зикр аҳлидан сўранг» ҳайъати:
– Ва алайкум ассалом! Эрингиз ҳаддидан ошиб кетибди. Фарз рўзани тутиш учун эрнинг розилиги шарт эмас. Бунақа эрларнинг розилиги Аллоҳнинг розилигидек ҳам эмас. Овқат тайёрлаб бераверинг. Валлоҳу аълам!
