Поклик
06:31 / 22.06.2022 | Aisha | 917
Ассалому алайкум! Малумки учган дарс кетган идишлардан фойдаланиш мумкунмас. Шунга ўхшаб сирли ва темир алюмин идишларни сирли қисми кўчиб, темир идишларда кичик чуқурчалар бўлса уларни ҳам ишлатиш ҳалолмасми?
«Зикр аҳлидан сўранг» ҳайъати:
– Ва алайкум ассалом! Идишлар икки қисмга бўлинади. Аввалги замондагидек ёғоч, сирланмаган ёки сири кўчган сопол идишлар. Уларга нажосат тушса қатрон(ювиб, тўнтарилиб бир томчи ҳам суви қолмагунича кутиш ва буни уч бор такрорлаш) орқали покиза бўлади. Иккинчи қисм идишлар ҳозирги кундаги сирли, шиша ва паластмассадан қилинган, темир ва мис каби материаллардан қилинган идишлар. Буларни қатрон қилишга ҳожат йўқ. ёғламаси кетгунича уч бор ювиш билан тоза бўлади. Обдасталарга ҳам нажосат тушса қатрон қилишга ҳожат йўқ. Валлоҳу аълам!
