Тахоратда бурундан қон келиши
18:01 / 03.09.2022 | اَزَمَت | 1816
Ассалому алайкум! 1). Тахоратда бурунга сув олиб қоқиб ташлаганимга қон кўринмайди, тахоратдан кейин бурунга пахта тиқиб кўрсам пахта қон бўлади. Бу холатда хам пахта тиқиладими? 2) пахта бурунга тиқилган холатда нафас ўтмайдиган даражада пахта қўйилиши шартми ёки хаво ўтиб турса бўладими? 3) тахоратдан кейин бурундан сув тушади қон эмас пахтадан ўтиб бу холатда тахорат синмайдими?
«Зикр аҳлидан сўранг» ҳайъати:
– Ва алайкум ассалом! 1). Бурунга пахта солиб кўрганда у оқадиган миқдордаги қон билан чиқса таҳорат синган бўлади.
2). Ҳаво ўтиб туриши мумкин. Қон буруннинг юмшоқ жойигача оқишидан ман қиладиган даражада бўлса бўлди.
3). Бурундан сув чиқиши таҳоратни синдирмайди. Валлоҳу аълам!
