Қадарга розилик
19:41 / 03.09.2022 | Ибн_Бахром | 864
Ассалому алайкум! Устозлар, Абдулҳамид Муҳаммад Турсуннинг "Тасаввуф ва унинг ҳақиқати ҳақида муқаддима" номли электрон китобининг 42-бетидан иқтибос келтирсам. "Абул Ҳусайн Нурийдан розилик ҳақида сўрашди. У жавоб бериб айтди: "Агар мен дўзахнинг асфаласофилинида бўлсам ҳам, Фирдавси аълода бўлган кишидай рози бўлардим"". Мен шу жумлани тушуна олмаяпман. Бу зот дўзахга сабр қила олмаслигини ҳам билган бўлсалар керак, сабр қила олмаган одам қандай рози бўлиши мумкин?
«Зикр аҳлидан сўранг» ҳайъати:
– Ва алайкум ассалом! Бунда Аллоҳдан рози бўлишнинг даражотлари ҳақида айтилган. Азобга сабр қила олмаслик азоблаш ҳукмига норозиликни тақозо қилмайди. Валлоҳу аълам!
