Рамазонда ҳатми Қуръон ҳақида

ҳурматли Устоз, Шайҳ Ҳазратлари, Аввало рўзани бизга фарз қилган Аллоҳ таолога ҳамду санолар бўлсин, Рамазонни бунчалар файзли ўтказишни бизларга ўргатган пайғамбаримиз салоллоҳу алайҳи васалламга дуруду саловотлар бўлсин! Кириб келаётган муборак Рамазон ойи муборак бўлсин, азиз Устоз! савол бериб қимматли вақтингизни олганим учун узр, Саволим: Бизни қишлоқда қори етишиб чиқмагани сабабидан ҳар йил муборак Рамазон ойида Таровеҳ намозларида ҳатми Қуръон қилиш учун қориларни бошқа қишлоқлардан олиб келамиз. (Дуо қилинг, аввало биздан ҳам қорилар етишиб чиқсин). Бу йилги таровеҳ намозларига қори олиб келишни маслаҳат қилар екан, намозҳонларимиздан қуйидагича таклиф тушди: қорини олиб келиб, 30 кун давомида 30 киши у инсонни меҳмон қилиб, саҳарлигу ифторлик беради, ва кетиш чоғида ҳизматлари учун маълум миқдорда пул бермоқчимиз. Қори ҳатми Қуръон қилгани учун ўзимиз рози бўлиб пул беришимиз дурустми? Жавобингиз учун олдиндан миннатдорчилик билдираман!