Дам солувчи домлани ишлари

Ассалому алайкум! Янгамлар фарзандларини муллага олиб бориб дам солдирганлар ва шундан кейин уларга кичкина қоғозга бир нималар ёзилган. Қўлда ёзилган арабча ёзув тушунмайман рости. Калимами ё бошқа нарса билмайман. Шуни исириққа устига қўйиб фарзандингга тутат дебтилар. Яна бошқа бир сафар матони 3 бурчак қилиб тикилган. Илгаги бор осиб қўй деганлар буни. Яни кўз тегмайди деб магазинларда сотадиганга ўхшаган нарса. Буни тақилмайди деб ичини очиб кўрсам униям ичида қўлда ёзилган арабча ёзувлар бор эди. Ман бизни динда бунақа нарсаларга ишонилмайди деб билардим. Шу иккисиниям тўғри нотўғрилигини тушунтириб беринглар. Бу мулла масжидимизда имом хатибилар ҳам адашмасам. Хато иш қилаётган бўлсалар нима иш қилишим керак?