Назрга ўтадими?
20:20 / 30.10.2022 | Nafisa | 888
Ассалому алайкум! Мен фарзандли бўлишимдан олдин мазам бўлмаганда эсон омон қўлимга олвосам товуқми садақа қиламан назр қиламан деб эхсон қилишни ният қилгандим. Каттарогига маблағимиз камроқ эди. Алҳамдулиллаҳ фарзандли бўлдик кимга қандай беришни билмай қолдим опамнинг ҳам фарзандиз касал пулга муҳтож товуқни ўзини бирортага берсам ёмон хаёлга боришим ёки ирим қилиши мумкун, деб опамга пулини бердим. Шу ишим ўша назрга ўтадими пулини берса бўладими?
«Зикр аҳлидан сўранг» ҳайъати:
– Ва алайкум ассалом! Бўлади. Опангизга ўша пулни бериб назрингизни устидан чиққансиз. Валлоҳу аълам!
