Комментариялар хақида
Ассалому алайкум! Мен спортга хусусан футболга қизиқаман. Хозирги кунда интернет сайтларида журналистлар кўпроқ аудиторияга эга бўлиш мақсадида, ёки бошқа бирор мақсадда бази бир жамоалар ва шахслар хақида мақола ёзишади. Мақоланинг тагидаги комментарияларда икки жамоа мухлислари бир бирларини тинимсиз хақорат қилишади. Хақорат қилиш вақтида улар бир бирларини ота онасини тарихидан тортиб вилоятларидаги инсонларниям, жамики билган ёмонликларини тўкиб солишади. Бунинг хукми ўша комментария ёзган ва ўша мақолани чоп этган журналистларга қандай бўлади?
– Ва алайкум ассалом! Мақолани нима ниятда ёзган бўлса ўшанга қараб жазо ёки мукофот олади. Инсонлар орасига адоват солиш, фитна чиқариш, уларни бир-бирларига қарши қилиб қўйишни мақсад қилган бўлса ёки шунга олиб борувчи ишни қилган бўлса гуноҳкор бўлади. Валлоҳу аълам!
