Соқолга масх тортиш
17:30 / 27.11.2022 | Xurshid Abdurahmonov | 608
Ассалому алайкум! Кишининг соқоли унча қалин бўлмасаю лекин соқолни остида угри, шунга ўхшаш яралар бўлсаю ишқаланиб сув текизилса қонаши хавфи ёки қонаши аниқ бўлса соқол устидан масх тортса бўладими? Тахорат дуруст бўладими?
«Зикр аҳлидан сўранг» ҳайъати:
– Ва алайкум ассалом! Бўлмайди. Соқолнинг устини ювиш билан кифояланиш жоиз бўлиши учун у юзнинг терисини кўрсатмайдиган даражада қалин бўлиши лозим. Ўша киши юзни ишқаламай, эҳтиёткорлик билан терига сув етказса ҳам таҳорат дуруст бўлаверади. Чунки таҳоратда ювиладиган аъзоларни ишқалаш шарт қилинмаган. Валлоҳу аълам!
