Хомиладорлик ва талоқ
Ассалому алайкум! Танишим сўраб беришимни илтимос килди. Хомиладорлик пайтида уйида жанжал бўлган ва онаси ўғлига мажбуран 3 талоқ бераман деб туриб олган. Ўғил онаси айтганини қилган. Кейин эса маълум вақтдан сўнг бир домла топиб қайта никох ўқитган. Шу никохи дурустми? Масжид имомидан сўралганда хомиладорлик вақтида талоқ тушмайди деган.
– Ва алайкум ассалом! Дуруст эмас. Динимизда “хомиладорлик вактида талок тушмайди” деган гап йўқ. Агар эр аёлига уч талоқ қўйган бўлса у ҳомиладор бўладими ёки бошқа ҳолатми фарқи йўқ, орага уч талоқ тушиб бирга яшашлари ҳаром бўлади. Аёл иддасини ўтириши шарт ва кейин хоҳласа бошқа одамга турмушга чиқади, аммо уч талоқ қўган собиқ эрига қайта никоҳлана олмайди. Имом масалани тушунмаган ёки унга ҳолат бошқача қилиб айтилган. Валлоҳу аълам!
