Қарзимни қандай узсам бўлади?
14:31 / 06.01.2023 | Feruza Rahmatova | 528
Ассалому алайкум! Бундан 10-15 йиллар аввал икки кишидан ўша пайтларда 500 сўм ва 50 сўм қарз бўлганман шуларни вақтида беролмаганман уларни эгасини ҳозир қаерда эканини ҳам билмайман шу қарзимни қандай узсам бўлади бирон муҳтожларга берсам бўладими лекин қай миқдорда берай ҳозирги кундаги қийматини ҳисобга олган ҳолда?
«Зикр аҳлидан сўранг» ҳайъати:
– Ва алайкум ассалом! Пулни ўша вақтдаги тиллонинг қийматига солиштиринг ва неча грам тилло бўлса ўшанинг қийматини берасиз. Ҳақдорни топиш учун бор имкониятингизни ишга солиб ҳаракат қилинг. Агар топиш умуман иложсиз бўлса уша кишининг номидан фақир-мискинларга савобини умид қилмасдан садақа қилиб юборинг. Бордию кейинчалик топилиб қолса ё садақанинг савобини қабул қилади ё сиздан ҳақини қайтариб олади. Валлоҳу аълам!
