Уволми

Ассалому алайкум! Мен ишлайдиган корхонада керакли ҳужжатлар тўлиқ йўлга қўйилмаганлиги, ходимлар вазифалари аниқ белгиланмаганлиги, айнан мен ишлайдиган бўлимда ҳам тартиб яхшимаслиги ва шу каби ташкилий ишлар билан боғлиқ камчиликлар сабабли сўнги бир йил ичида кўплаб муаммолр келиб чиқди: сифат қониқарсиз, хомашъё ва маҳсулотлар ҳисобининг йўқлиги, харидорлар норозилиги, ҳисоботларнинг нотўғри ва белгиланган вақтдан кеч топширилиши ва ҳаказо. Бу муаммолар ортида корхонада ишлайдиган ходимларнинг етарли билим ва тажрибага эга эмаслиги сабаби ҳам бор, албатта. Лекин юқорида ёзилган сабаб - ташкилий ишлардаги камчиликлар ҳам талайгина. Бу муаммолар оқибатида, фикримча, кўп исрофгарчиликка йўл қўйиляпти. Бу ҳақида бўлим бошлиғи, бошқа раҳбарлар ва ходимларга айтилган. Лекин ҳали ҳам муаммолар етарлича. Саволим шундан иборатки, корхонадаги уволга мен ҳам шерикманми, бундай ҳолат давом этаверса қандай йўл тутиш керак?