Жумъа намозига бормаслик узури
04:25 / 02.06.2013 | muslim_2012 | 2395
Менинг отам врач бўлиб ишлайди, унинг иш соати 14-00 гача, жумъа намозига бора олмаётибдилар, ишдан рухсат сўраб боринг десам, "йугимда жарохати огир касал келиб колса зулм бўлади" деб айтмокдалар. Саволим шундан иборатки, отам учун жумъа намози урнига пешинни ўқиш жоизми, шу вактда топган пули ҳаром бўлиб колмайдими?
Шайх Муҳаммад Содиқ Муҳаммад Юсуф роҳимаҳуллоҳ:
Бор имконини ишга солиб жумага боришга ҳаракат қилиш керак. Отангиз оч қолса қанчалик уринадиган бўлса, намозга ҳам шунчалик уринганида иш ҳал бўлар эди. Агар ўша вақтда у киши қутқариши керак бўлган бемор ҳозир турса узрли бўлади. Аммо эҳтимоли бор, ўзи йўқ нарса узр бўлмайди.
