Тўй касса тўғрисида
22:55 / 11.01.2023 | JahonGir | 582
Ассалому алайкум! Биз синфдошлар илмсизлик қилиб уйланишдаги тўйларда куёвга 3кг мол гўштидан пул йиғиб берар эдик. Бу иш жоиз эмаслигини яқинда билдим. Пул йиғишда менга ҳам қайтаради деган фикр бўлган, ҳадя сифатида бермаганмиз. 71368-саволга жавобда "Берганингиздан ортиқчаси унинг ҳаққи бўлиб, ўша ортиқчасини ўзига қайтаришингиз шарт" дейилибди. Алҳамдулиллаҳ, ичимизда вафот қилганлар йўқ. Ҳозир ҳар бир дўстимга берганимдан ортиқча қисмини қайтариб чиқсам, рибодан қутилиб, тўғри қилган бўламанми?
«Зикр аҳлидан сўранг» ҳайъати:
– Ва алайкум ассалом! Берганингиздан ортиқчасини қайтарсангиз рибодан қутулган бўласиз. Тавба ва истиғфор айтинг. Валлоҳу аълам!
