Қурбонлик қилиш ва ҳажжи бадал ҳақида.

Ассалому алайкум, Ҳурматли Шайх Ҳазратлари! Аллоҳ умрингизни файзу барокотли қилсин. сизни 2 та савол билан безовта қиляпман: 1. Бувамни ўтганига 1 ойдан ошди, бувам ҳаёти давомида ёлғиз яшагани учун қурбонлик қилмаган экан. Энди биз қурбон ҳайитда қурбонлик қилаётиб бувамни исмини айтиб, ҳайвон қурбонлик қилинса бувамга савоби борадими ёки бошқа бир шаръий йўли борми? 2. Бувам ҳажга боришни ният қилиб юрарди, лекин Аллоҳни иродаси экан насиб қилмади. Касаллигида ҳажга боролмайман шекилли, бориш насиб қилмаса ҳажжи бадал қилдириб қўйинглар деб васият қилди. Ҳажжи бадал ўзи нима, қандай қилинади? Шу тўғрисида маълумот берсангиз жуда яхши бўларди? Жавоб учун раҳмат.