Домлаларнинг пора олиши

Ассалому Алайкум, Ҳурматли Шайх Ҳазратлари! Мен олийгоҳда ўқийман, оилалиман ва 1 та фарзандим бор. Мен ўқийдиган олийгоҳни ҳамма “пулхоз” дейишади. Чунки у ерда ўтирса ҳам, турса ҳам, сув ичса ҳам пул. . . . Хуллас, домлалар баҳойимизни қўймасдан, кетидан югуришимизга мажбурлашади, ва охирида “фалонча пул берасан, бўлмасам 3 ёки 2 оласан” дийишади. Улар бизга аъло бўлмаса ҳам яхши баҳо кераклигини билишади. 4-5 балл учун жуда катта пул сўрашади. Биз амаллаб уйимиздан зўрға олиб, жуда норози бўлиб обориб берамиз. Ўқисак ҳам баҳо қўйишмайди. Қўйишади, лекин жуда паст қўйишади. Баҳойимиз 4 бўлса, стипендиямиз ҳам кўпроқ бўлади. Шуни билиб, улар ставка қўйволишган. 5 баҳо – 100 минг, 4 баҳо -80 минг, 3 баҳо - 60 минг. . . Ҳатто 1 та фан учун 100$ сўрайдиганлар ҳам бор экан ва бердик ҳам. . . . . Шу ҳолатда мен гуноҳкор бўлиб қолмайманми? Ахир мен уларга баҳойимни қўйиши учун "пора" беряпман. Пора берган ҳам, олган ҳам гуноҳкор бўлишини эшитганман. Пул беришим жоизми?