Ҳалолми?

Ассалому алайкум! Мен бир лицейда ўқийман. Ой сайин кичик имтиҳонлар бўлади. Ярим йиллик ва йил охирида эса асосий имтиҳонлар бўлади. Кичик имтиҳонлардан "4" ва "5" олганларга стипендиялар берилади. Мен охирги уч-тўрт ойнинг баҳоларини "4" ва "5" қилдим. Пул билан эмас, албатта. Аксар фанларни арзимас ҳаракатлар билан яхши баҳога ("4"-"5"га) тамомладим, яъни "4"-"5" олиш учун озгина ҳаракат қилсангиз, кифоя. Баъзи фанлардан эса, ўша озгина ҳаракатни ҳам қилмай ўқитувчилардан илтимос қилиб, (пул бериб эмас) яхши баҳо олдим. Натижада эса ўша охирги уч-тўрт ойнинг стипендиясини олдим қисман, қолганини кейинроқ оламан. Савол: Шундай тарзда олганим ва оладиганим стипендия мен учун ҳалолми?