Касалликни асл сабаби
16:05 / 26.07.2023 | Otabek | 588
Ассалому алайкум! Эшитишимча касалликлар келишининг сабаби одамда гуноҳлари кўпайиб кетса уни ювиш учун бир имкон сифатида Аллоҳ томонидан келар экан. Адашмасам шундай эшитгандим. Саволим: гўдакларга каслликлар келса бунинг ота-онанинг гуноҳи сабаб деб тушунса тўғри бўладими?
«Зикр аҳлидан сўранг» ҳайъати:
– Ва алайкум ассалом! Бандага жонида, молида, аҳлида ёки обрўсида бериладиган мусибат ва қийинчиликларнинг барчаси ҳам гуноҳлари учун жазо бўлавермайди. Айримлари бандани синаш учун ҳам берилади. Гўзал сабр ила бу синовдан ўтса ажр олади, унинг Аллоҳ ҳузуридаги даражаси кўтарилади. Гўдакларга бериладиган касалликлар ҳикмат ила унинг ота-онаси, қарамоққа олганлар, жамики инсонларни синаш учун бўлиши мумкин. Валлоҳу аълам!
