Питекантроп ёки "Хўрланган маймунлар"

Ассаламу алайкум ҳурматли Устоз, Шайх ҳазратлари.Ҳурматли Устоз, "Бақара" сурасининг 65, 66-оятларида: "Батаҳқиқ, сизлардан шанба куни тажовузкорлик қилганларни билдингиз. Биз уларга: «Қувилган, хор-зор маймунга айланинг», дедик. Биз бу (ҳодиса) ни унинг олдидагиларга ва кейинидагиларга ва тақводорларга мавъиза қилдик. "ва "Аъроф" сурасининг 166-оятида:"Бас, улар ўзлари қайтарилган нарсадан қайтмай, такаббурлик қилганларида, уларга: «Хўрланган маймунларга айланинг!» дедик. " кабилидаги Аллоҳнинг амрлари бор. Мазкур оятлардаги "Хўрланган маймунлар" бу эрамиздан аввалги даврларда яшаган питэкантроп, зинжантроп, архантроп ва бошқа археология фани тасдиклаган одамсимон маймунлар эмасми? Агар бу фикрим нотўғри бўлса, унда археология фанидаги одамсимон маймунлар борасида Исломда қандай оят, ҳадис ёки бошқа маълумотлар бор? Мазкур оятларда зикр этилган қавм, яъни "Хўрланган маймунлар" қайси даврга тегишли? Жавобингиз учун олдиндан ташаккур билдираман. Аллоҳ Сиздан рози бўлсин. Амийн.