Насия савдо хақида
18:08 / 07.08.2023 | Самогир | 942
Ассалому алайкум! Мен маиший техника сотадиган магазинда ишлайман, биз магазинда ўзимизга тегишли махсулотларимизни насия савдога берамиз. Мисоли учун 5,0 млн сўмлик махсулотни 6 ой муддатга 8,0 млн сўм қилиб бўлиб тўлаш шарти билан берамиз. Саволим шундан иборатки биз берган махсулотни мижоз муддатидан олдин тўласа яъни 6 ойга олган махсулотни 3 ойда тўлаб берса келишилган суммадан ўтиб берса бўладими яъни 8,0 млн эмас 7,0 млн қилиб, олдиндан ёпганлиги учун камайтириб берса бўладими?
«Зикр аҳлидан сўранг» ҳайъати:
– Ва алайкум ассалом! Савдо муробаҳа кўринишида қилинган бўлса (яъни қанча устама қўйилаётгани мижозга айтилган бўлса) ва шартномада шу шарт қўйилмаган бўлса, кейинчалик икки томон розилиги билан шундай қилса бўлади. Валлоҳу аълам!
