Закот борасида
06:22 / 26.08.2023 | umidvor_banda | 299
Ассалому алайкум! "Туркия ва Суриядаги бўлган зилзиладан зарар кўрган инсонларга ёрдам учун закотимдан" деб ният қилиб Хайрия жамғармаси ҳисобига ўтказилган пулни закот нисобига қўшаманми, ёки бир инсоннинг қўлига мулк қилиб бермаганим учун закот ҳисобига ўтмайдими?
«Зикр аҳлидан сўранг» ҳайъати:
– Ва алайкум ассалом! Закот дуруст бўлиши учун у закот олишга ҳақли инсонга мулк қилиб берилиши керак. Бунинг энг афзал йўли ўз қўлингиз билан топширишингиз эди. Турли хайрия жамғармаларига закотни топширишга келсак, улар сизнинг номингиздан вакил сифатидан закотни қабул қилиб олиб, сўнгра фақирларга топширмагунларича закот адо бўлмайди. Валлоҳу аълам!
