Қуръонни ҳам сувора (суворий) услубида қироат қилиш

Ассалому алайкум, ҳурматли Шайх Ҳазратлари! Кўп йиллар олдин бир инсон билан учрашиб қолган эдим. У шундай маълумот берувди: “Қадимда Хоразм диёрида Қуръони каримни суворий (ҳозирги хоразм сувораси) услубида қироат қилишган. Туркияга борганимда, бир масжидда бўлган эдим ва улар қироат қилиб бўлишгач, мен ушбу гапни айтган эдим, турклар ҳам айтдики, бир замонлар бизда ҳам шундай қироат мавжуд бўлган, деб”. (у инсонни гапи тугади). Шундай дея туриб, у “Ихлос” сурасини суворий (жумладан, Хоразм сейгоҳи, Феруз 1 Феруз 2) оҳангида қироат қилиб берди. Лекин, ундай услубдаги қироатда суворалардаги каби авжига чиқиш йўқ. Яъни бир маромда, бир оҳангда қироат қилинар экан. Кейин, мен у одамни учрата олмадим. Анча бўлди. Ўша пайти манбасини ҳам сўрамаган эканман. Саволим шуки, сизда ёки сизнинг илм аҳли танишларингизда шундай маълумот йўқми, яъни бир замонлар Қуръонни ҳам сувора (суворий) услубида қироат қилишганлиги ҳақида.