Ойлик маош масаласида

Ассалому алайкум! Мен ҳозирда ўқув марказда дарс бераман яни репетиторман. Шукурки, ўқувчиларим сони кўпайиб бормоқда, шу сабабли ҳам ёнимга шогирдларимдан биронтасини ёрдамчи ўқитувчи сифатида олмоқчиман. Лекин унга қандай ойлик беришга ҳайронман. Қандай қилсам уни ҳаққига ҳиёнат қилмаган ҳолда адолатли тарзда тушган маблағни тақсимлайман. Яни маʼлум аниқ миқдор белгилаб айнан шу суммани ҳар ой бериб борайинми ёки фоиз ҳисобида берайинми (масалан у ўтаётган ўқувчилардан тушган суммани 100% дан 60%и унга 40% менга) Агар шунде қилинса яна бир савол туғиляпти: Мен ҳечнима қилмасдан туриб ҳам уни меҳнати сабаб пул ейишим ўринлими (Тўғри, келаётган ўқувчилар Мени ўтган йиллардаги меҳнатларим сабаб келишади) Лекин барибир бошим қотган. Шу масалада Сиз азиз илм аҳилларидан муфассал изоҳ кутиб қоламан.